ما هي فوائد السهر

فــــوائد السهر لأن 79 وخمس اعشار من الشعب العراقي سهران
واكو هواي اسباب يا اما مديون ويفكر او متعارك ويه المرا ومطرود برا
او الكهرباء لاعبه بخلقته المهم نجي ...






1\ حراسه للبيت لأن انت اصلا كاعد تخابر الشسمه مال انت حد الساعه 5 وثمنطاعش دقيقه ( لو يسمع اصوات غريبه يكول لا الهوا عالي )





2\ متشوف اهلك لساعات طويله ( مو كل شويه دازيك مهمه للدكان ولو تكيف عليها لأن لي كادم انت بايك مال باكيتين جكاير وشمائل )





3\ الحفاظ على الاطعمه من التلف والحفاظ على الثلاجة والمجمدةمن الموعان
( لأن من تجي الوطنيه ثلث ساعه انت تشغلهن ومن تطفى تطفيهن ) وبهذا قد كسبت محبة الام



4\ تكعد ساعه 2 الظهر والغدا جاهز بدون متنتظره وتتحمل منية امك
( تحت شعار نام الفجر واكعد عالغدا وكسرا للحصار )





5\ مراقبة الجيران تكون بصوره دقيقه وتحت المجهر عاد الله موصي بسابع جار (والافندي كاعد يتصايد واذا ابوه لكفه يشمره من الطرمه بسرعة الضوء وراح ينزل الولد بزاوية بقياس تسعه وثلاثين درجة سليزيه ومن الفزعه والخوف ميشعر بالالم اول نص دقيقه )





6\ عدم المرور في حالة الصباح لأن انت اصلا نايم الفجر ومتشوف لا ابو وصولات الكهرباء ولا التليفون وتتخلص من ظاهرة اكلة الصمون الحجري البايت( مغص رئسن يستمر 8 دقايق)





7\ السيطره على التلفزيون بشكل تام يعني قيثاره اغانينا وانت صاعد وتشوف الاغاني العراقيه في خطر يرثى لها
( بس احسن مما تكابل ابوك وكامش الكونترول مستحلها وبس يسب الحكومه ويرتفع الضغط مالته وانت تبتلي )
بس لتحرموني من ردودكم الحلوه حبايبي
تحياتي للجميع

اويلي من ابويه يلزم الريمونت كونترول يسلك العشيره مالتي ويطلع روحي من وره الاخبار
وهيه نفس الاخبار يوميه تنعاد مات فلان قتل علان
والتقى المالكي وراح علاوي