بوس امي ياغيم ونكط الماي على جفوف الادين الكبرتي
انا احتاجيتهه من محد وياي وروحي ضايقت متحملتني
مشيت ويه الربع بس ما فاد ممشاي
وصرت كلمه بحلك صاحب سكتني
بعد لاذيج تنفع لابعد هاي
هاي وذيج بالهم حاوطتني
شكد انطيه فرصه هاي دنياي
واكوله انطيني فرصه ومانطتني
مدابج علمتون وسحك بجلاي
ما طول عليكم ملختني
وكفت يم المرايه وصحت بوياي
انا كبال عيني عيني وما شفتني
طحت بس من طحت عافتني يمناي
وخانت يسرتي ما ساعدتني
صحت يمـــــــــــــــــــــــــــــــــه يمــــــــــــــــــه
وكبل ما يوصل انداي لكيت امي ويه صوت الاه اجتني
كالت اخ يمه وبجت وياي وصرت دموعه بس ما بجتني
بوس امي ياغيم ونكط الماي على جفوف الادين الكبرتني
اهداء الي(اختي الغاليه نور )