باجر

موضوع: باجر الأحد أكتوبر 18, 2009 2:11 pm

يابحر تكفى تكلم وإمسح الأحزان
تكلم يابحر أرجوك تكفى لاتخليني

أنا عاشق أنا مغرم أنا هاوي أنا ولهان
أنا كلي ألم وأحزان وأبغى من يواسيني

أنا أحبه أنا أوده وهو في عالم النسيان
أحبه كثر قطراتك وهو لاهي وناسيني

أنا ماأصبر على بعده أنا ماأقدر على الكتمان
أنا مااحتمل ساعه يكون بعيد عن عيني

تعبت وذقت أنا مر الفراق ولوعة الحرمان
جريح وحالتي صعبه وترى مافيني يكفيني

ألا ياليتني مطرب ألا ياليتني فنان
وأغني له عن الفرقى وأليل آه ياليلي

ياليت الوقت بي يرجع وترجع ماضي الأزمان
ليالي كنت أنا وياه عشاق ومحبيني

وآه ياوقتي الماضي زمن عشته وحب كان
حياتي دونها وقت هدر يمضي من سنيني

أحس الدنيا من دونه بلا شكل وبدون ألوان
أنا دنياي ماتسوى مادام إنه مجافيني

نفذ صبري تعب قلبي وأنا في هالزمن خسران
رحل عني بعيد هناك أهو وينه وأنا ويني

تعال أرجوك لاترحل أنا ماأقوى على الهجران
تعال أرجوك ياقلبي ترى فرقاك تشقيني

أنا بعدك في هالدنيا وحيد وتايه وحيران
أحس إني شبه ميت وأبيك اليوم تحييني

أنا آسف حياتي عود أقوله لك وأنا ندمان
تعالي أجرحي يالله وأنا بقول زيديني

وإذا مالي أمل ترجع ولا لي داخلك عنوان
فمان الله روحي إبعدي عني وخليني