مجموعة من دارميات في قمة الرووووووعه

مجموعة من دارميات في قمة الرووووووووعه



-----------------------------------



تدري انه من اشتاك ارسلك دموع ******* وانت بصلافه عين ما تقبل موع



ليلي يمر سهرانا تمنه ملكاك ******* ومعارك ويه الروح ما ترضة تنساك



غلطه وتريد تصير حجه وردتها ******** لو انت طيب الذات جان غفرتها



كلما اكول انساك ارجع واحبك ******** مثل الزرع والماي كلبي ويه كلبك



لو ردت عني تروح خليلي صبرين ******** واحد يصبر الروح والثاني للعين



اتمنه روحي شموع وتحظر بعيدك ******* وتكتب على الكليك احبك واريدك



ارد انشد اهل الشوك ومتاني توضيح ******* ليش الاحنان بساع دمعتهم تطيح



من دمي اريد اسكيه لولفي واشربه ******** ولو جاع اكص الكلب واشوي اليعجبه



هاك اخذ كلبي وياك يلماشي لهواي ******** كله انزرف بجفاك وبوصلك دواي



كل يوم اكول اليوم باجر يمرون ******** ومن كثر دمعي السال ما ظلت عيون



بأخر نفس مخنوك واتمنه اشوفك ******** واعذرني بس الموت يجبرني اعفوك



هاي البدايه وهيج التالي شلون ******** رايد سند يا ناس ادعولي تهون



خليني يمك حطب من تبرد اشعل نار ******** وبالصيف قالب ثلج لو صار مايك حار



كل لحظه افكر بيك كل ساعه كل يوم ******** حته من اغمض العين تطلعلي بالنوم



هذا انت يالمحبوب يابعد روحي ******** مجروح وبملكاك هادت جروحي



اسال عليك الروح مدري شتكلي ******** مدري انت نص الروح مدري انت كلي



مل مني حتى الليل والكمر شاهد ******** بس بيك افكر دوم للفجر كاعد



دمك وسط هالروح ومكحل ايدي ******* مثل العسل والله يمشي بوريدي



روحي شكثر تهواك وشكد تهم بيك ******** سعفه ويهزهه الريح من يمر طاريك



كون الكلب بي باب ينفك تشوفه ******** لو شفت غيرك بيه حقك تعوفه



ردت انشد العشاك والكلبه مجروح ******** الجسد هم يعيش لو عافته الروح



ابجي واذب حسرات عال فاروكوني ******** مدري التهوا بالغير مدري نسوني



يا خلي لو صديت كلبي يريدك ******** موت وحياة الروح يا خلي بيدك



يمكن اريد انساك واكول اعوفك ******** وكل الحجي انساه يوم الاشوفك



ريتك تحس الصار وتشوف الجروح ******** جرحي انا مو بضماد تلفه وتروح



شفتك حلم بالليل وهزهزني رسمك ******** وظل كلبي يرجف دوم من ذكر اسمك



جتفت روحي جتاف كل ظني انساك ******** من روحي تطلع روح وتكولي اهواك



كونك تجيني بطيف وتمر عليه ******** حتى الفراش يكوم ياخذ تحيه