تسألني على حالي

تسألني على حالي وراح اخبرك بي
مثل منكاش مو كد وكتي خلاني
يستنكي الجمر بيه ويعدل النار
ومرات شكثر عالجمر ينساني
لاتكلي شلون صرنه
ولاتهيج همومه وتنفخ جمرنه
تسئل ورايد جواب وخايف يتعبك امرنه
خايف يلوحك زفير صدورنه وتكره شعرنه
خايف تصوبك شضيه من شضايه كلوبه
التنزف قهرنه شلون صرنه
واحد يسليه نوحه و واحد يقنع بروحه
و واحد يضمد جروحه
ومثل عصره ثوب بيد معدله وكتك عصرنه
صد على مجرى الدمع الي بخدودنه تعرف امرنه
لاتكلي شلون صرنه
خلي سكون الليل يبدي
ونسمع انواه النعاوي
بكل ضريح تشوف اشكال الشكاوي
تشوف اصغر طفل للنكبات راوي
وتدري من نسامر بشنهو سمرنه
راح اكلك وامري لله وانته كولي شلون صرنه
نحسب شكد الضحايا الراحو بسوك المدينه
ونحسب كم ام حزينه
وكم طفل من عنده بس جنطه لكينه
هذا يالتنشد سمرنه
والله لو ايوب حاضر صار تلميذ بصبرنه
وبعد ما يحمل جلد ورم ظهرنه
خل نزرعه وينسكي بالحب املنه
خل نغطي الوطن بالحب بالمحبه
يصير هذا الوطن جـــنـــه

انا اول وطن ينولد فوك الكاع
من سحكه جدم ادم والينه
وانا اول حرف واول كلام انكال
وانا اول عشك مر على كلوب الناس
وبارضي ابتدت اول مواعيده
انا اول تلاوه بحنجره داوود
انا مهد النبوه الحضن نوح صغير
حد مابينت اخر تجاعيده
اني اسمي العراق من الازل لليوم
لايرضى بمذله ولا رضى بقيده


اتمني يعجبكم

اها عاااااااااااااشت ايدك